HIc in Lotharingia circa annum Christi mille simum, quingentesimum, sextum natus, puer vix dum octennis, agnatorum, bonis ipsius inhiantium astu, in Augustinianorum mendic antium claustrum detrusus; singulari Dei providentia inde erutus, atque in Ecclesiam vere Christianam, cui oramento olim magno futurus, traductus est. Cum linguarum et purioris Theologiae studiis deditus esset: recte noluit sua eruditione et labore pigris illis ventribus diutius commodare ac subservire.
Itaque postquam Biturigibus, Pictavis et Andega vis Evangelium, quantum quidem cucullato licebat, annuntiasset: Lausannam, Bernensis Reip. Academiam venit: ubi quietem studiis suis opportunam, et sui exercendi facultatem nactus, Ecclesiae deinde Viviacensis, haud procul extremo lacu Lemano, pastor est designatus Inde Rotomagum excitus, Ecclesiam illam populosissimam, tunc primum post multa saecula renascentem, tam sancte tamque prudenter erudiit: ut sua ipsum probitas tutum ab omnibus, quantumvis saevientibiis adversariis, praestiterit.
Anno sexagesimo primo, cum colloquium Possiacenum mense Septembri institutum esset, inter Cardinalem Lotharingum et Theodorum Bezam: ip se eidem intersuit, atque a partibus orthodoxorum intrepide stetit. Sequenti anno, exorto in Gallia civili bello, et ipsa urbe Roto magensi, post durissimam obsidionem expugnata, cum aliis quatuor principibus civitatis viris Marloratus etiam captus, productus, et instinctu imprimis, ut ferunt, Monmor antii Conestabilis atque Francisci ducis Guisii, quamvis ex ipsis adversariis non paucisalvum cuperent, laqueo suffocatus est. Factum id anno Christi millesimo, quingentesimo, sexagesimo secundo, die trigesimo Octobris cum annos sex et quinquaginta vixisset.
Concinnavit ex doctissimis nostrae aetatis scriptoribus Commentarios in plures sacrae scripturae libros, additis ubique auctorum nominibus, et sua sententia saepe interposita; qui exstant. Sunt autem hi; Novi Testamenti Catholica expositio Ecclesiastica, sive Bibliotheca expositionum Novi Testamenti. Deinde Genesis cum catholica expositione Ecclesiastica: Psalmi item Davidis et Cantica, ex diversis Bibliorum locis, cum simili expositione: Iesaiae denique Prophetia, cum catholica expositione Ecclesiastica.
Reliquerat etiam Propheticae et Apostolicae doctrinae, hoc est, totius divinae ac Canonicae scripturae Thesaurum, in Locos communes raerum, dogmatum et phrasium, or dine alphabetico digestum, sed imperfectum: qui deinde absolutus prodiit opera Guilelmi Feugueraei, Rotomagensis, Professoris Theologi in Academia Lugdun. Batavorum. Th. Beza in Iconibus; Thuanus: Gesnerus,