PAtriam habuit Ioannes Draconites Carolostadium, Franconiae oppidum,
sub episcopatu Her bipolensi. Puer, cum indo lem prae se ferret bonam,
amicorum suasu in sudum literarium missus est. Inibi feliciter primae
adolescentiae iactis fundamentis, Erphordiam venit: ubi eam literis
navavit operam; ut et Philosophiae fuerit Doctor, quem Magistrum
vocamus, renuntiatus: et in doctissimorum virorum pervenerit
familiaritatem: de quibus nominare possumus Iustum Menium, Euricium
Cordum, Eobanum Hessum, et Ioachimum Camerarium.
Porro uberioris comparandae doctrinae causa, ad Erasmum Roterodamum
aliquando excurrit: et propter Hebreae linguae studium Paulum Fagium
sectatus est: quo non solum superiori saeculo, sed et multis retro
annis, nemo vixit nostratium, linguarum peritior: id quod et in
colloquiis familiaribus, et in disputationibus cum Iudaeis, et in
explicatione Targum, seu paraphraseos librorum Mosis Chaldaicae,
liquido demomstravit.
Cardinalium itaque linguarum fundamentis perceptis, totum sese sacris
dedidit; idque tanto cum successu; ut cum Wittembergam Academia tunc
celeberrimam, venisset; inter initia instaurationis doctrinae
Evangelicae, Theologiae Doctor fuerit sollenni scholarum more
salutatus.
Inde Marpurgum excitus, complures ibi annos scripturam sacram
explicavit, principi Cattorum, ut et bonis omnibus, acceptus et
gratus. Synodis etiam atque colloquiis, religionis causa institutis,
interfuit: ut et anno trigesimo in Augustanis illis comitiis, tota iam
Europa dudum decantatis.
Marpurgo in Saxoniam deductus, in praecipuis urbibus litoris Balthici
et viciniae Evangelii praeconium fecit: ac Rostochianae inprimis
scholae docendo inservivit. Inde Albertus Borussiae dux, evocatum ad
se Draconiten, in Sambiensi ditione Ecclesiis episcopum praefecit.
E Borussia Wittembergam regressus opus Biblicum quintuplex incepit:
Origenis, veterum monumentis celebratam, operam aemulatus; qui Biblia
[Gap desc: Greek word] , ut Erasmus legit, edidit.
Nactus is erat patronum liberalem et divitem Ambrosium quendam: qui
quo facilius labor succederet: septem ei adiumxit notarios, rotidemque
puellas scribendo exercitatas: sibi per horas succedentes. hos
amanuenses omnes Ambrosius ille aluit: quemadmodum ipse Origenes
epistola ad amicum restatur: quam recitat Suidas et cuius meminit
Hieronymus ad Marcellum, nec non Eusebius in historia [Note: * Lib 6 c. 17. et 20]
ecclesiastica. In hoc Draconites exemplum intuens, longo tem
pore animo agitavit opus Bibliorum quintuplex: quod ut perficeret,
posthabito commodo proprio, divitias et splendorem episcopatus
Sambiensis reliquit, et in Wittenbergensium scholam, post multorum
annorum intervallum hac una de causa rediit. Est autem totum opus sic
ab ipso distributum: primo dividit quodliber caput in certos locos:
post addit textum Biblicum: Ubi prima linea continer dictiones
Hebraicas: secumda Chaldaicas: tertia Graecas: quatta Latinas: quinta
Germanicas. Ersi enim Complutensis editio ante annos complures
[Gap desc: Greek word] exhibuit Biblia: tamen exempla eius non exstant;
et augeri utiliter additione interpretationis vernaculae nostrae
potest. Ceterum in opus illud Biblicum Archiepiscopus Toletanus tot
aureorum impendit milia: ut sumptibus illis se exhausisse, et aes
alienum
contraxisse dicatur: ut ut alias inter opulentissimos Europae
Archiepiscopatus ille habeatur.
Iam ergo ut tota res ordine absolveretur: Saxoniae Elector Augustus,
qua fuit munificentia, sumptus necessarios decreverat, et de
administris, qui auctori adiungerentur, manda verat: cum Deus et mors
conatus optimi et doctissimi viri interceperunt. Nam laec agitantem
morbus occupavit, tandemque destillationes capitis quos catarrhos
vocant medici, suffocarunt. Factum id wittenbergae anno post exhibitum
in carne Messiam millesimo quingemesimo sexagesimo sexto, die 18.
Aprilis, cum annum septuagesimum esset transgreslus, sed corpore ita
firmo: ut utiles ecclesiae et reip. labores perferre potuisset: si Deo
sic visum. Sepultus est honorifice Wittembergae: ubi in ingressu chori
rempli parochialis faxo insculptum tale monumentum legitur:
Qui vatum in foliis Christum et velamine Mosis
Quaesiit, Isaciis fentibus ora lavans,
Luce, Draconites, clar a iam conspicit ipsum
Plenius, e vivo sacraque fonte bibit.
Placide in Christo obdormivit Ioh. Draconices S. Th.
D. die XVIII. Aprilis, anno 1566. egressus
LXXII aetatis annum.
Paulus eiam Melissus, Poeta clarus, defunctum tali celebravit
epigrammate:
Hos aneres, haec busta fides innoxia servat,
Dulcisque spes et Charitas,
Filiae Iovis incliti, sorores.
Prima sacras laurifrondes; at proxima palmae
Sparsit vorentes ramulos,
Mitis ultima gemmulas olivae.
Salve chare senex! tu nunc ceu stellula fulges,
Celso micans in aetbere:
Hoc tui pretium laboris esto.
Georgius tem Fabricius, sub lemmate: studii sanctissimi, tali
epitaphio orravit:
Urna Lraconiten tegit haec doctumque bonumque,
Lavoatumquipia sedulitate senem.
Ille sacra libros, Ebraea, Latina, Pelasga,
Chaldia, in vulgus scripta daturus erat:
Nondum inito quem linquit vita labore:
Quanti unus studiis facta ruina senex!
Fuit hic Theologus et eruditionis copia et quatuor linguarum peritia
instructislinus, Hebraeae, Chaldaeae, Graecae et Latinae. Operis
illius quintuplicis specimina quaedam ed dit, quae exstamn praeter
libros alios utiles Ecclesiae Christi. Tiamstulit aliquos sacros U T.
libros ex Hebraeo cum scholiis seorsim adiumctis. Edidit commentarios
in Prophetas aliquot, et alia tum sacra, tum Philologica: de quibus
bibliothecae, sive indices librorum.
Petrus Nigidius vitae eius curriculum et elogium hisce carminibus
complexus est:
Hic Draco, percelebris doctrinae fama trilinguis,
Salvisici verbi buccina clara fuit.
Nutriit hunc iuvenem praestans Erphordia primum,
Leucoream cupide transtulit inde scholam.
Amplexus magni solidissima scripta Lutheri,
Dotibus et captus, clare Philippe, tuis.
Sincere docuit divini oracula verbi:
Doctrina rectae consona vita fuit.
Praesidiis vero linguarum adiutus hic idem,
Sustinuit psalmos explicuisse sacr os.
In nostro docuit bis senos impiger annos:
Post alium cepit quaerere sponte locum.
Rostochium vidit; mox post ea tempora factus
Regis montanae portio iusta scholae.
Hinc Wittembergam rediens sua fata subivit:
A'Etate in sera floridus ipse senex.
Ex tomo 6. scriptorum Wittembergae publice propositorum: vita Eobani
Hessi.